أرشيف الكتب الإسلامية
فهرس الكتاب

‹
›
الصفحة 3355 من 6348

2۔ یعنی دنیا میں آخرت کے لئے نیک کام کرتا وہ کیونکہ دنیا میں انسان کا حصہ اس کی عمر اور نیک عمل ہی ہیں۔ جمہور مفسرین (رح) نے اس کا یہی مطلب بیان کیا ہے۔ بعض نے لکھا ہے کہ دنیا میں حلال رزق سے متمتع ہونے اور حلال روزی طلب کرنے کا حصہ ضائع نہ کر اور دنیا کے انجام پر غور کرتا رہ جیسے حضرت ابن عمر (رض) نے فرمایا: اخرت لدناک کانک تعیش ابدا و اعمل لاخرتک کانک لموت غدا (کذا فی القرطبی) ۔ شاہ صاحب (رح) لکھتے ہیں:" حصہ موافق کھا پہن اور زیادہ مال سے آخرت کما۔" (موضح) 3۔ یہاں " احسان" کے معنی ہیں " خلوص سے اللہ کی عبادت کرنا"۔ جیسا کہ حدیث میں ہے کہ حضرت جبرئیل ( علیہ السلام) نے آنحضرت (صلی اللہ علیہ وآلہ وسلم) سے احسان کے بارے میں دریافت کیا تو آپ (صلی اللہ علیہ وآلہ وسلم) نے فرمایا: ان تعبد اللہ کا…" کہ تم اللہ تعالیٰ کی اس طرح عبادت کرو جیسے تم اسے دیکھ رہے ہو۔ بعض نے یہاں " احسن" کے معنی " بندوں کے ساتھ احسان کرنا" لئے ہیں۔ بہرحال " احسان کی تاویل میں مختلف اقوال ہیں۔ سب کا جامع مفہوم یہ ہے کہ " اللہ کی دی ہوئی نعمتوں کو طاعت الٰہی میں صرف کرنا۔" (قرطبی۔ شوکانی) 4۔ یعنی اللہ تعالیٰ کی معصیت کے کام نہ کرو۔ ظاہر ہے کہ دنیا میں سب سے بڑا دہند (فساد مچانا) اللہ تعالیٰ کے احکام کی خلاف ورزی کرنا ہے۔ شاہ صاحب (رح) لکھتے ہیں:" خرابی نہ ڈال یعنی حضرت موسیٰ ( علیہ السلام) کی ضد نہ کر"۔ (موضح) ۔

حجم الخط:
شارك الصفحة
فضلًا انتظر تحميل الصوت