أرشيف الكتب الإسلامية
فهرس الكتاب

‹
›
الصفحة 3363 من 6348

11۔ یا " جس نے آپ (صلی اللہ علیہ وآلہ وسلم) پر قرآن کے احکام و فرامین پر عمل کرنافرض کیا۔ اس کے یہ دونوں مطلب مفسرین (رح) نے بیان کئے ہیں۔ (شوکانی) 12۔ مراد ہے مکہ کی طرف۔ اکثر مفسرین (رح) نے یہی مفہوم بیان کیا ہے۔ ضحاک (رح) کہتے ہیں کہ ہجرت کے وقت جب نبیﷺ مکہ سے نکل کر حجفہ پہنچے تو آپ (صلی اللہ علیہ وآلہ وسلم) کے دل میں مکہ کا اشتیاق پیدا ہوا۔ اس پر اللہ تعالیٰ نے یہ آیت نازل فرمائی (شوکانی) اس میں فتح مکہ کی خوشخبری دی ہے۔ (قرطبی) یہ آیت اتری ہجرت کے وقت۔ یہ تسلی فرمائی کہ پھر مکہ آئو گے سو خوب طرح آئے پورے غالب ہو کر۔ (موضح) بعض نے " معاد" سے مراد موت اور بعض نے جنت لی ہے۔ حضرت ابن عباس (رض) نے اس کی تفسیر " آخرت" سے بھی کی ہے۔ دراصل فتح مکہ ہی قرب موت کی علامت تھی جیسا کہ سورۃ " اذا جاء نصر اللہ الخ" کی تفسیر سے معلوم ہوتا ہے۔ اس لئے مکہ کی طرف لوٹنا موت سے کنایہ ہوسکتا ہے اور موت ذریعہ ہے عالم آخرت میں پہنچنے کا، جس کے بعد آنحضرت (صلی اللہ علیہ وآلہ وسلم) جنت کے اعلیٰ مقام میں پہنچ جائیں گے۔ لہٰذا ان اقوال میں اختلاف نہیں ہے۔ (ابن کثیر) 13۔ یہ دراصل کفار مکہ کا جواب ہے جو آپ (صلی اللہ علیہ وآلہ وسلم) کو " انک فی ضلال" کہتے تھے۔

حجم الخط:
شارك الصفحة
فضلًا انتظر تحميل الصوت