3696 حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا عَبْدُ الرَّحِيمِ بْنُ سُلَيْمَانَ عَنْ زَكَرِيَّا عَنْ الشَّعْبِيِّ عَنْ أَبِي سَلَمَةَ أَنَّ عَائِشَةَ حَدَّثَتْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَهَا إِنَّ جِبْرَائِيلَ يَقْرَأُ عَلَيْكِ السَّلَامَ قَالَتْ وَعَلَيْهِ السَّلَامُ وَرَحْمَةُ اللَّهِ
ام المؤمنین حضرت عائشہ ؓا سے روایت ہے ، رسول اللہ ﷺ نے ان سے فرمایا: جبریل علیہ السلام آپ کو سلام کہہ رہے ہیں ۔ انہوں نے کہا: [وَعَلَیَہِ السَّلاَمُ وَرَحۡمَۃُ اللہِ] ان پر بھی سلامتی اور اللہ کی رحمت ہو۔
۱۔ام المومنین سیدہ عا ئشہ صدیقہ ؓ کو یہ فضیلت حاصل ہے کہ انہیں جبرئیل علیہ السلام نے سلام کہا۔ یہ شرف دوسرے صحابہ کو حاصل نہیں ہوا۔ ۲۔ ام المومنین ؓ فرشتوں کو نہیں دیکھتی تھیں ، نہ ان کی آواز سنتی تھیں، اس لیے جواب میں [وعليك السلام] کی بجائے [وعليه السلام] فرمایا۔۳۔ جب کسی کو کسی کا سلام پہنچایا جائے تو اس کا جواب اسی انداز سے دینا چاہیے۔