326 أَخْبَرَنَا سُوَيْدُ بْنُ نَصْرٍ قَالَ حَدَّثَنَا عَبْدُ اللَّهِ بْنُ الْمُبَارَكِ عَنْ سُفْيَانَ عَنْ سِمَاكٍ عَنْ عِكْرِمَةَ عَنْ ابْنِ عَبَّاسٍ أَنَّ بَعْضَ أَزْوَاجِ النَّبِيِّ صَلَّى اللَّهُ عَلَيْهِ وَسَلَّمَ اغْتَسَلَتْ مِنْ الْجَنَابَةِ فَتَوَضَّأَ النَّبِيُّ صَلَّى اللَّهُ عَلَيْهِ وَسَلَّمَ بِفَضْلِهَا فَذَكَرَتْ ذَلِكَ لَهُ فَقَالَ إِنَّ الْمَاءَ لَا يُنَجِّسُهُ شَيْءٌ
حضرت عبداللہ بن عباس رضی اللہ عنہما سے منقول ہے، نبی صلی اللہ علیہ وسلم کی کسی زوجۂ مطہرہ نے غسل جنابت کیا۔ نبی صلی اللہ علیہ وسلم نے ان کے بچے ہوئے پانی سے وضو کرنا چاہا، تو انھوں نے یہ بات آپ کو بتائی۔ آپ نے فرمایا: ''تحقیق پانی کو کوئی چیز پلید نہیں کرتی۔''
مذکور روایت اگرچہ سندًا ضعیف ہے لیکن دیگر شواہد کی بنا پر صحیح ہے، خصوصًا یہی روایت مفہومًا ابن عباس رضی اللہ عنہما ہی سے صحیح مسلم میں موجود ہے، محقق کتاب نے بھی تحقیق میں اس کی طرف اشارہ کیا ہے۔ دیکھیے: (صحیح مسلم، الحیض، حدیث: ۳۲۳)