أرشيف الكتب الإسلامية
فهرس الكتاب

‹
›
الصفحة 2874 من 6348

اس بات میں نہ اندھے پر، نہ لنگڑے پر، نہ مریض [93] اور نہ خود تمہارے لیے کوئی حرج ہے کہ تم اپنے گھروں سے [94] کھانا کھاؤ، اپنے باپ دادا کے گھروں سے یا اپنی ماں (اور نانی) کے گھروں سے یا اپنے بھائیوں، بہنوں، چچاؤں، پھوپھیوں، ماموؤں یا خالاؤں کے گھروں سے کھاؤ یا ان کے گھروں سے جن کے تم سرپرست [95] ہو یا اپنے دوست [96] کے ہاں سے کھالو۔ نہ ہی اس بات میں کوئی گناہ ہے کہ تم سب مل کر کھاؤ یا علیحدہ علیحدہ [97] ۔ البتہ جب تم گھروں میں [98] داخل ہوا کرو تو اپنے لوگوں (گھر والوں) کو سلام کہا کرو۔ یہ اللہ کی طرف سے مبارک اور پاکیزہ تحفہ ہے۔ اسی طرح اللہ تعالیٰ اپنی آیات تمہارے لئے کھول کر بیان کرتا ہے، تاکہ تم سمجھ سے کام لو۔

حجم الخط:
شارك الصفحة
فضلًا انتظر تحميل الصوت