السلام علیکم ورحمة اللہ وبرکاتہ
محترم سوال یہ ہے کہ جہاں میں کام کرتا ہوں وہاں کا مالک سودی کاروبار کرتا ہے۔کیا میرے لیے یہ جائز ہے کہ میں اس کے گھر میں نوکری کروں۔؟ اور مالک مجھے نوکری چھوڑنے بھی نہیں دیتا ہے۔؟
الجواب بعون الوہاب بشرط صحة السؤال
وعلیکم السلام ورحمة اللہ وبرکاتہ!
الحمد للہ، والصلاة والسلام علیٰ رسول اللہ، أما بعد!
اگر تو آپ کی نوکری اس کے سودی کاروبار میں معاون ثابت ہورہی ہے اور آپ اس کے اسی کاروبار سے ہی منسلک ہیں تو پھر آپ کے لئے یہ نوکری کرنا قطعا ًحرام ہے ۔اور اگر ایسا نہیں ہے بلکہ آپ ان کے گھر میں دیگر کاموں پر مامور ہیں تو پھر اگرچہ نوکری کرنا جائز ہے ،لیکن احتیاط کا تقاضا ہے کہ آپ اپنے آپ کو اس سے بھی بچا لیں۔
ھذا ما عندی واللہ اعلم بالصواب
فتوی کمیٹی
محدث فتوی