أرشيف الكتب الإسلامية
فهرس الكتاب

‹
›
الصفحة 1985 من 6346

ان خارجی مثالوں کے بعد اللہ تعالیٰ نے انسان کی اپنی مثال پیش کی ہے کہ پہلے وہ بچہ ہوتاہے۔ اپنی تربیت کے لیے خوراک کھاتا ہے جس سے اس کا قد، اس کی ہمت، عقل و علم میں اضافہ ہوتا رہتاہے۔ پھر ایک خاص حد تک جا کر رک جاتاہے پھر وہی غذائیں کھاتا ہے مگر اس کے اثرات بالکل برعکس ہوتے ہیں۔ جسم کمزور ہونے لگتاہے، عقل کم ہونے لگتی ہے، یا داشت کمزور ہوتی جاتی ہے، اعضاء مضمحل ہونے لگتے ہیں، بچوں کی سی باتیں،بچوں کی سی ضدیں کرنے لگ جاتاہے۔ حتیٰ کہ اسے تن بدن کا ہوش بھی نہیں رہتا۔ حضرت علی رضی اللہ عنہ فرماتے ہیں کہ پچھترسال کی عمر میں عمومًا انسان ایسا ہی ہوجاتاہے۔

صحیح بخاری میں ہے کہ آپ صلی اللہ علیہ وسلم اپنی دعا میں فرماتے تھے: '' أ'' یعنی ''الٰہی میں بخل سے، عجز سے بڑھاپے سے، ذلیل عمر سے، قبر کے عذاب سے، دجال کے فتنے سے،زندگی اور موت کے فتنے سے تیری پناہ طلب کرتاہوں۔'' (بخاری: ۴۷۰۷)

حجم الخط:
شارك الصفحة
فضلًا انتظر تحميل الصوت