أرشيف الكتب الإسلامية
فهرس الكتاب

‹
›
الصفحة 2902 من 6346

قیامت کا دن ہمارے موجودہ حساب سے پچاس ہزار سال کا دن ہے، اس دن کی بھی دوپہر اور شام ہوگی۔ ایک حدیث میں آتا ہے: ''اللہ تعالیٰ دوپہر سے پہلے پہلے حساب کتاب سے فارغ ہو جائیں گے۔ اہل جنت، جنت میں اور اہل دوزخ جہنم میں چلے جائیں گے۔''

اور اس آیت سے یہ معلوم ہوتا ہے کہ اہل جنت دوپہر کے بعد جنت میں ہی جا کر سوئیں گے کیونکہ قیلولہ دوپہر کے بعد سونے کو اور مقیلا دوپہر کے بعد سونے کی جگہ کو کہتے ہیں۔

حضرت ابن مسعود رضی اللہ عنہ کا بیان ہے کہ دن آدھا ہونے سے بھی پہلے جنتی جنت میں اور جہنمی جہنم میں قیلولہ کریں گے پھر آپ نے یہی آیت پڑھی {ثُمَّ اِنَّ مَرْجِعَهُمْ لَااِلَى الْجَحِيْمِ} (الصافات: ۶۸) ''پھر ان سب کا لوٹنا جہنم کی (آگ کے ڈھیر) کی طرف ہو گا۔'' (ابن کثیر: ۴/ ۱۰)

جنت میں جانے والے صرف ایک مرتبہ جناب باری کے سامنے پیش ہوں گے یہی آسانی سے حساب لینا ہے، پھر جنت میں جا کر دوپہر کو آرام کریں گے۔

ایک حدیث میں ہے کہ مومنوں یا اہل جنت کو پچاس ہزار سال کا دن ایسا ہلکا محسوس ہوگا جیسے کسی فرض نماز کا وقت ہوتا ہے۔ (مسند احمد: ۳/ ۷۵)

حجم الخط:
شارك الصفحة
فضلًا انتظر تحميل الصوت