أرشيف الكتب الإسلامية
فهرس الكتاب

‹
›
الصفحة 930 من 6346

بدعت کا آغاز:

ہر چیز کا خالق اللہ ہے یہ جانتے ہوئے بھی صدقہ و خیرات کرتے وقت اللہ کا حصہ الگ مقرر کر رکھا تھا اور اپنے دیوی دیوتاؤں کا الگ۔ دوسرا ظلم وہ یہ کرتے کہ اللہ کا حصہ اس لیے نکالتے کہ مویشیوں کو پیدا کرنے والا وہ ہی ہے۔ اور بتوں، دیوی، دیوتاؤں کا اس لیے کہ انھیں جو کچھ مل رہا ہے ان ہی کی نظر کرم کی وجہ سے مل رہا ہے۔ اس کے علاوہ اگر اللہ کے نام کا ٹھہرایا ہوا حصہ بتوں کے نام والے میں شامل ہوگیا تو وہ تو بتوں کا ہوا اور اگر بتوں کے نام کا حصہ اللہ کے حصہ میں مل گیا تو اسے فورًا نکال لیتے تھے۔ ان کا عقیدہ تھا کہ دیوی دیوتا ہمارے نفع و نقصان کے مالک ہیں اور اصل شرک یہ ہی ہے۔ ابوہریرہ سے روایت ہے کہ رسول اللہ صلی اللہ علیہ وسلم نے فرمایا: رب تعالیٰ ارشاد فرماتے ہیں: '' میں اپنے حصہ داروں کی نسبت اپنا حصہ لینے سے بے نیاز ہوں جس شخص نے ایسا عمل کیا، جس نے میرے ساتھ غیر کو حصہ دار بنایا تو میں اس صاحب عمل اور اس عمل دونوں کو ہی چھوڑ دیتا ہوں۔ (مسلم: ۲۹۸۵)

مشرکانہ رسم میں جرائم: تین طرح سے کرتے تھے۔ (۱) مالی عبادت میں اللہ کے ساتھ اپنے معبودوں کو شریک بنانا۔ (۲) اللہ کا الگ اور معبودوں کا الگ حصہ مقرر کرنا۔ (۳) اللہ کے حق میں نا انصافی کرنا۔ اس کے علاوہ ایک غلطی یہ بھی تھی کہ اللہ کے لیے لڑکیاں ہیں اور اپنے لیے لڑکے یہ کیسے ممکن ہے کہ لڑکے تو تمہارے ہوں اور جن لڑکیوں سے تم بیزار ہو وہ اللہ کی ہوں ۔ کیسی بُری تقسیم ہے۔

حجم الخط:
شارك الصفحة
فضلًا انتظر تحميل الصوت