أرشيف الكتب الإسلامية
فهرس الكتاب

‹
›
الصفحة 597 من 6346

اس آیت میں حالت سفر میں نماز قصر کرنے یعنی دوگانہ ادا کرنے کی اجازت دی جارہی ہے۔ لیکن سنت رسول اللہ سے ثابت ہے کہ ہر طرح کے سفر میں نماز قصر کی جاسکتی ہے۔ سیدہ عائشہ رضی اللہ عنہا فرماتی ہیں: ''ابتدًا سفر و حضر میں نماز دو رکعت فرض کی گئی تھی پھر سفر کی نماز تو اتنی ہی رہی اور حضر کی نماز میں اضافہ ہوگیا۔ (مسلم: ۶۸۵، بخاری: ۱۰۹۰)

کیونکہ اس وقت پورا عرب دارالحرب بنا ہوا تھا کسی طرف کا سفر بھی خطرات سے خالی نہیں تھا۔ یعنی یہ شرط نہیں کہ سفر میں خوف ہو تو قصر نماز اد اکرو۔ بعض صحابہ کے ذہن میں یہ خیال آیا کہ اب تو امن ہے، ہمیں سفر میں نماز قصر نہیں کرنی چاہیے نبی صلی اللہ علیہ وسلم نے فرمایا: یہ ایک صدقہ ہے جو اللہ تعالیٰ نے آپ پر کیا ہے لہٰذا اسکا صدقہ قبول کرو۔ (مسلم: ۶۸۶)

حارث بن وہب سے روایت ہے وہ فرماتے ہیں کہ منیٰ میں نبی صلی اللہ علیہ وسلم نے ہمیں دو رکعت نماز قصر پڑھائی حالانکہ آپ صلی اللہ علیہ وسلم بالکل امن میں تھے۔ (بخاری: ۱۰۸۳)

حجم الخط:
شارك الصفحة
فضلًا انتظر تحميل الصوت