أرشيف الكتب الإسلامية
فهرس الكتاب

‹
›
الصفحة 4672 من 6346

اللہ تعالیٰ فرماتا ہے کہ اس نے تمام انسانوں کو ایک ہی نفس سے پیدا کیا یعنی آدم علیہ السلام سے اور ان ہی سے ان کی بیوی صاحبہ حضرت ہواعلیہا السلام کو پیدا کیا یعنی تم سب کی اصل ایک ہی ہے کہ تم سب ایک ہی ماں باپ کی اولاد ہو۔ مطلب یہ کہ کسی کو محض خاندان اور نسب کی بنا پر فخر کرنے کا حق نہیں ہے۔ کیوں کہ سب کا نسب حضرت آدم علیہ السلام سے ہی جا کر ملتا ہے۔ا ور مختلف خاندانوں، برادریوں اور قبیلوں کی تقسیم محض تعارف کے لیے ہے تاکہ آپ آپس میں صلہ رحمی کر سکو۔ اس کا مقصد ایک دوسرے پر برتری کا اظہار نہیں۔ اللہ کے ہاں برتری کا معیار خاندان، قبیلہ اور نسل و نسب نہیں ہے۔ جو کسی انسان کے اختیار میں ہی نہیں ہے۔ بلکہ معیار تقویٰ ہے۔ جس کا اختیار کرنا انسان کے ارادہ اختیار میں ہے۔

ایک حدیث میں ہے کہ اللہ تمہاری صورتوں اور مالوں کونہیں دیکھتا بلکہ تمہارے دلوں اور عملوں کو دیکھتا ہے۔ (مسلم: ۲۵۶۴)

اسی مضمون کو نبی صلی اللہ علیہ وسلم نے خطبہ حجۃ الوداع میں یوں بیان فرمایا کہ ''کسی گورے کو کالے پر کسی عربی کو عجمی پر اور عجمی کو عربی پر کوئی فضیلت نہیں فضیلت کی بنیاد صرف تقویٰ ہے۔ کیوں کہ تم سبھی آدم کی اولاد ہو اور آدم مٹی سے پیدا کیے گئے تھے۔'' (مسند احمد: ۵/ ۱۵۸)

حجم الخط:
شارك الصفحة
فضلًا انتظر تحميل الصوت