أرشيف الكتب الإسلامية
فهرس الكتاب

‹
›
الصفحة 1317 من 6343

59۔ تاریخ و سیر کی کئی کتابوں میں آیا ہے کہ یہ آیت ثعلبہ بن حاطب الانصاری کے بارے میں نازل ہوئی تھی۔ لیکن یہ روایت صحیح نہیں ہے۔ نیز ثعلبہ بن حاطب بدری صحابی تھے، اور بدری صحابیوں کے بارے میں اللہ تعالیٰ کا بہت عظیم وعدہ ہے، بہت ممکن ہے کہ ثعلبہ نامی کوئی اور آدمی آرہا ہو اور نام میں مشابہت ہونے کی وجہ سے روایت میں غلطی ہوگئی ہو۔

واقعہ کا خلاصہ یہ ہے کہ آدمی نے رسول اللہ (صلی اللہ علیہ وآلہ وسلم) سے کہا، یار سول اللہ ! آپ میرے لیے روزی میں برکت کی دعا کردیجئے، اگر اللہ مجھے روزی دے گا تو اس کے حقوق ادا کرتا رہوں گا، لیکن جب اللہ نے اس کی روزی میں خو برکت دی تو اس کی نیت بدل گئی اور صدقہ و خیرات کرنے اور زکاۃ دینے سے انکار کردیا۔ ثعلبہ والی روایت میں آتا ہے کہ جب یہ آیات نازل ہوئی اور اسے خر ہوئی تو وہ اپنی زکاۃ لے کر رسول اللہ (صلی اللہ علیہ وآلہ وسلم) کے پاس آیا، لیکن آپ نے لینے سے انکار کردیا، آپ کے بعد ابو بکرہ، عمر اور عثمان (رض) نے بھی اس کی زکاۃ نہیں لی اور عثمان رضٰ اللہ عنہ کے دوریں وہ مر گیا۔

ضحاک کا قول ہے کہ یہ آیت ایک نہیں کوئی معروف منافقین کے بارے میں نازل ہوئی تھی جن کا حال وہی تھا جو آیت میں بیان کیا گیا ہے، آیات 76، 77، 78 میں انہی منافقین کے حالات بیان کیے گئے ہیں کہ جب انہوں نے اللہ کی نعمتوں کی ناشکری کی تو اللہ نے ان کے نفاق میں اور اضافہ کردیا۔

حجم الخط:
شارك الصفحة
فضلًا انتظر تحميل الصوت