أرشيف الكتب الإسلامية
فهرس الكتاب

‹
›
الصفحة 5511 من 6343

(11) قوم کے ان سرغنوں نے عوام الناس کو شرک پر ابھارتے ہوئے کہا کہ جن معبودوں کی ہمارے اور تمہارے آباء پرستش کرتے آئے ہیں، انہیں ہرگز نہیں چھوڑو، اور ان کی عبادت پر سختی کے ساتھ جمے رہو، تم لوگ اپنے معبود ود، سواع، یغوث، یعوق اور نسر کو کسی حالت میں فراموش نہ کرو۔

امام بخاری نے کتاب التفسیر میں ابن عباس (رض) سے روایت کی ہے کہ قوم نوح جن معبودوں کی پرستش کرتی ھتی، عربوں نے بھی ان کی پرستش کی، ود، سواع، یغوث، یعوق اور نسر قوم نوح میں نیک لوگوں کے نامتھے، جب وہ لوگ وفات پا گئے تو شیطان نے ان کی قوم کے دل میں یہ بات ڈال دی کہ ان کے بیٹھنے کی جگہوں پر ان کے ناموں کے مجسمے بنا کر گاڑ دو۔ چنانچہ انہوں نے ایسا ہی کیا اور جب وہ لوگ مر گئے اور ان کے درمیان سے علم اٹھ گیا تو ان مجسموں کی عبادت کی جانے لگی۔

حجم الخط:
شارك الصفحة
فضلًا انتظر تحميل الصوت