أرشيف الكتب الإسلامية
فهرس الكتاب

‹
›
الصفحة 3379 من 6343

(8) کفار قریش نے مسلمانوں کواسلام سے برگشتہ کرنے کے لیے کیا کیا نہ جتن کیے ایذا رسانی کاہرحربہ استعمال کیا اور جب اس میں انہیں کوئی کامیابی نہیں ہوئی تو مسلمانوں سے کہنے لگے کہ آؤ ہمارے ساتھ مل جاؤ اور محمد کا دین چھوڑ دو اور اگر تمہارے کہنے کے مطابق موت کے بعد ہم دوبارہ زندہ ہوں گے اور جزاوسزا کرمرحلہ آئے گا تو تمہارے گناہوں کی ذمہ داری ہم اٹھالیں گے اور ان کی سزا ہم بھگت لیں گے۔

اللہ تعالیٰ نے ان کی تکذیب کردی کہ وہ اس دن کے گناہوں کابوجھ بالکل نہیں اٹھائیں گے وہ تو نہایت جھوٹے لوگ ہیں اور قیامت کے دن اپنے گناہوں کابوجھ اور اپنی مذکور بالا افترا پردازی کابوجھ اپنے کندھوں پرلیے پھریں گے اور اس دن اللہ تعالیٰ ان سے اس جرات کافرانہ کے بارے میں سوال کرے گا اور ان کی متعدد الانواع سازشوں کا انہیں بدلہ چکائے گا۔

حجم الخط:
شارك الصفحة
فضلًا انتظر تحميل الصوت