أرشيف الكتب الإسلامية
فهرس الكتاب

‹
›
الصفحة 3619 من 6343

(44) یہاں ان رشتہ داروں کا ذکر ہے جن سے رسول اکرم (صلی اللہ علیہ وآلہ وسلم) کی بیویوں اور دیگر مسلمان عورتوں کے لئے پردہ ضروری نہیں ہے اور جن سے بغیر پردہ کئے بات کرنا جائز ہے، باپ سے مراد باپ، دادا اور پردادا، بیٹوں سے مراد بیٹے اور ان کے بیٹے اور بیٹیوں کے بیٹے، اور بھائیوں کے بیٹوں اور بہنوں سے مراد پوتے بھی ہیں اور " عورتوں" سے مراد ایک رائے کے مطابق صرف مسلمان عورتیں ہیں اور دوسری رائے یہ ہے کہ (ولانساءھن) میں اضافت سے صرف جنس عورت کی طرف اشارہ ہے، اس لئے مسلمان اور اہل کتاب عورتوں سے مسلمان عورتوں کا پردہ نہیں ہے۔ (ولا ماملکت ایمانھن) سے بعض لوگوں نے استدلال کیا ہے کہ عورت کا غلام اس کا محرم ہے اور بعض کا خیال ہے کہ عورت کا غلام اس کے لئے اجنبی کی حیثیت رکھتا ہے اور یہاں صرف لونڈیاں مراد ہیں۔

علماء نے لکھا ہے کہ اس آیت کریمہ میں چچا اور ماموں کا ذکر اس لئے نہیں آیا ہے کہ وہ دونوں باپ کے برابر ہیں مذکورہ بالا احکام بیان کرنے کے بعد اللہ تعالیٰ نے امہات المومنین کو نصیحت کی کہ وہ ہر حال میں اللہ سے ڈرتی رہیں، ان کے لئے جو حدیں مقرر کی گئی ہیں ان سے تجاوز نہ کریں، غیروں کے سامنے اپنی زینت کا اظہار نہ کریں اور پردہ کرنا نہ چھوڑ دیں کہ غیر محرم مردوں کی نگاہیں ان پر پڑیں اور اس بات کو ہمیشہ یاد رکھیں کہ اللہ تعالیٰ ان کے اور دیگر تمام انسانوں کے اعمال و حرکات کو دیکھ رہا ہے، کہیں ایسا نہ ہو کہ قیامت کے دن وہ ان کے خلاف شاہد بن جائیں اور ہلاکت و بربادی ان کا انجام بن جائے۔

حجم الخط:
شارك الصفحة
فضلًا انتظر تحميل الصوت