أرشيف الكتب الإسلامية
فهرس الكتاب

‹
›
الصفحة 3798 من 6343

29 اللہ تعالیٰ جب اہل جنت کے لئے جنت کا اور اہل جہنم کے لئے جہنم کا حکم دے دے گا تو کافروں سے کہے گا کہ اے وہ لوگوں جنہوں نے کفر و شرک اور گناہوں کے سبب اپنے آپ پر ظلم کیا تھا اب تم لوگ اہل جنت سے الگ ہو کر کھڑے ہوجاؤ اللہ تعالیٰ نے اپنے اس فیصلے کو قرآن کریم کی متعدد آیتوں میں بیان فرمایا ہے۔ سورۃ یونس آیت 82 میں ہے: (ویوم نخشرھم جمیعاثم نقول للذین اشرکوا مکانکم انتم وشرکاؤکم فزیلنابینھم) " اور وہ دن بھی قابل ذکر ہے جس روز ہم ان سب کو جمع کریں گے، پھر مشرکین سے کہیں گے کہ تم اور تمہارے شرکاء اپنی جگہ ٹھہرو۔ پھر ہم ان کے آپس میں پھوٹ ڈال دیں گے۔

مفسرین لکھتے ہیں: اس تفریق سے مراد یہ ہے کہ جب مومنین جنت میں بھیج دیئے جائیں گے تو کافروں کو اکٹھا کر کے نہایت ہی ذلت و رسوائی کے ساتھ جانوروں کی طرح جہنم کی طرف ہانک کرلے جایا جائے گا اور اس میں دھکیل دیئے جائیں گے۔

حجم الخط:
شارك الصفحة
فضلًا انتظر تحميل الصوت