أرشيف الكتب الإسلامية
فهرس الكتاب

‹
›
الصفحة 3698 من 6343

4 اللہ تعالیٰ نے لوگوں کو خبردار کیا ہے کہ انسانوں کا دوبارہ زندہ کیا جانا، حساب و کتاب، جزا و سزا اور جنت و جہنم کی باتیں بالکل صحیح اور برحق ہیں، اس لئے وہ دنیا کی زندگی اور اس کے عیش و آرام میں پڑ کر آخرت کی کامیابی کے لئے عمل صالح کرنا بھول نہ جائیں، یہاں تک کہ موت آجائے اور اللہ کے حضور خالی ہاتھ پہنچیں اور اس وقت کف افسوس ملتے ہوئے کہیں کہ اے کاش ! میں نے اس زندگی کی کامیابی کے لئے عمل صالح کیا ہوتا اور ایسا نہ ہو کہ شیطان انہیں یہ کہہ کر بہکادے کہ اللہ کی رحمت بڑی وسیع ہے، اور اس کا فضل و کرم بڑا عام ہے، اس لئے یہاں خوب عیش کرلو، کبھی توبہ کرلینا وہ غفور رحیم تمہیں ضرور معاف کر دے گا۔

آیت 6 میں اللہ تعالیٰ نے اپنے بندوں پر رحم کرتے ہوئے انہیں تنبیہ کی کہ دیکھو شیطان تمہارا بہت بڑا دشمن ہے، تم اس بات کو ہر وقت یاد رکھو تاکہ اس کے دھوکے میں نہ پڑجاؤ، اس لئے کہ وہ اپنے پیروکاروں کو ایسے ہی اعمال کی دعوت دیتا ہے جن کا لازمی نتیجہ عذاب نار ہے۔

حجم الخط:
شارك الصفحة
فضلًا انتظر تحميل الصوت