أرشيف الكتب الإسلامية
فهرس الكتاب

‹
›
الصفحة 1425 من 6343

(41) کفار مکہ اللہ تعالیٰ کے عذاب کا بار بار اور مختلف انداز میں مذاق اڑاتے تھے، جیسا کہ ابھی اوپر گزر چکا ہے، اور ان کا جواب بھی دیا جاچکا ہے، اسی قسم کا ان کا یہ سوال بھی تھا جو اس آیت میں بیان کیا گیا ہے کہ اے محمد ! تم جو عذاب کی بات کرتے ہو، تو کیا واقعی سچ ہے؟ اللہ تعالیٰ نے نبی کریم کو انہیں جواب دینے کو کہا کہ ہاں، میرے رب کی قسم، یہ بات بالکل صحیح ہے، اور تم اللہ کو اس سے روک نہیں سکو گے۔

حافظ ابن کثیر لکھتے ہیں کہ نبی کریم نے اللہ کے حکم سے اس کے نام کی قرآن میں تین جگہ قسم کھائی ہے۔ ایک اس آیت میں کافروں کو عذاب الہی کی یقین دہانی کرانے کے لیے، دوسری سورۃ سبا آیت (3) (وقال الذین کفروا لا تاتین الساعۃ قل بلی وربی لتاتینکم) میں قیامت کی یقین دہانی کراتے ہوئے اور تیسری سورۃ تغابن آیت (7) (زعم الذین کفروا ان لن یبعثوا قل بلی وربی لتبعثن ثم لتنبون بما عملتم وذلک علی اللہ یسیر) میں موت کے بعد کی زندگی کے اثبات کے لیے۔

حجم الخط:
شارك الصفحة
فضلًا انتظر تحميل الصوت