أرشيف الكتب الإسلامية
فهرس الكتاب

‹
›
الصفحة 5266 من 6343

(5) اللہ تعالیٰ نے اہل کفر و فجور کو مخاطب کر کے بطور زجر و توبیخ فرمایا کہ ماضی میں جن قوموں نے کفر کی راہ اختیار کی، کیا تمہیں ان کے انجام کی خبر نہیں ملی ہے، جیسے نوح، عاد، ثمود اور لوط کی قومیں کس طرح اللہ نے زمین سے ان کا وجود ختم کردیا اور جب قیامت آئے گی تو وہ انہیں درد ناک عذاب دے گا۔

اور یہ سب ان کے ساتھ اس لئے ہوا کہ ان کے پاس اللہ کے پیغامبر صریح او واضح نشانیاں لے کر آتے تھے، تو استکبار میں آ کر انہیں جھٹلا دیتے تھے اور ان کا مذاق اڑاتے ہوئے کہتے تھے کہ انہیں دیکھو، یہ ہمارے ہی جیسے انسان ہیں اور دعویٰ کرتے ہیں کہ یہ ہمارے ہادی و مرشد ہیں پھر انہوں نے اللہ کے پیغام حق دین اور رسول کا انکار کردیا اور سرکشی کی راہ اختیار کرلی تو اللہ نے بھی ان کے ایمان اور ان کی بندگی سے اظہار بے نیازی کرتے ہوئے انہیں ہلاک کردیا اس لئے کہ اللہ اپنی تمام مخلوقات اور اپنے بندوں کے ایمان و عمل سے یکسر بے نیاز ہے، وہ کسی چیز کا محتاج نہیں ہے اور ہر چیز اس کی محتاج ہے اور تمام حمد و ثناء کا وہ تنہا سزا وار ہے اور ہر مخلوق بہرحال اور بہر کیف اسی کی تعریف بیان کرتی رہتی ہے۔

حجم الخط:
شارك الصفحة
فضلًا انتظر تحميل الصوت