أرشيف الكتب الإسلامية
فهرس الكتاب

‹
›
الصفحة 6003 من 6343

(3) اس آیت کریمہ میں ان مومنوں کا بہترین انجام بیان کیا گیا ہے جو آگ میں ڈال دیئے گئے تھے اور اللہ کا یہ وعدہ ہر دور میں اس کے تمام نیک بندوں کو شامل ہے۔ اللہ تعالیٰ نے فرمایا کہ جو لوگ ایمان لائے اور انہوں نے عمل صالح کیا، ان کو اللہ ایسی جنتیں دے گا جن کے نیچے نہریں جاری ہوں گی اور یہی وہ عظیم کامیابی ہے جس کے برابر اور کوئی کامیابی نہیں ہو سکتی، اس لئے کہ انہیں جہنم سے نجات مل جائے گی اور جنت میں داخل کردیئے جائیں گے، اللہ تعالیٰ نے سورۃ آل عمران آیت (185) میں فرمایا ہے: (فمن زحزح عن الناروا دخل الجنۃ فقد فازوما الحیاۃ الدنیا الامتاع الغرور) " جو شخص آگ سے ہٹا دیا جائے گا اور جنت میں داخل کردیا جائے گا وہ کامیاب ہوجائے گا اور دنیا کی زندگی تو صرف دھوکے کا سامان ہے۔ "

حجم الخط:
شارك الصفحة
فضلًا انتظر تحميل الصوت