أرشيف الكتب الإسلامية
فهرس الكتاب

‹
›
الصفحة 5795 من 6343

(2) جب اسرافیل (علیہ السلام) پہلا صور پھونکیں گے، تو اس کے زیر اثر تمام مخلوق مر جائے گی، پھر جب وہ دوسرا صور پھونکیں گے تو سارے لوگ زندہ ہو کر کھڑے ہوجائیں گے، صحیح حدیث سے ثابت ہے کہ دونوں صوروں کے درمیان چالیس سال کا وقفہ ہوگا پہلے صور کو " راجفۃ" اس لئے کہا گیا ہے کہ وہ ایک ایسی خطرناک اور ہیبت ناک چیخ ہوگی جس سے سارا عالم اضطراب میں مبتلا ہوجائے گا، اور سب پر ایک کپکپی طاری ہوجائے گی، پھر سب مر جائیں گے اور دوسرے صور کو " رادفۃ" اس لئے کہا گیا ہے کہ وہ پہلے صور کے بعد ہوگا۔ اللہ تعالیٰ نے سورۃ الزمر آیت (68) میں فرمایا ہے: (ونفخ فی الصور فصعق من فی السماوات ومن فی الارض الا من شاء اللہ ثم نفخ فیہ اخری فاذا ھم قیام ینظرون) " اور صور پھونک دیا جائے گا، پس آسمانوں اور زمین والے سب بے ہوش ہو کر گر پڑیں گے، مگر جسے اللہ چاہے گا پھر دوبارہ صور پھونکا جائے گا، پس وہ ایک دم کھڑے ہو کر دیکھنے لگ جائیں گے۔ "

حجم الخط:
شارك الصفحة
فضلًا انتظر تحميل الصوت