أرشيف الكتب الإسلامية
فهرس الكتاب

‹
›
الصفحة 1109 من 6343

{ وَلَمَّا} " اور جب" یعنی جب موسیٰ علیہ السلام اپنی قوم میں واپس آئے، ان کو اس حالت میں پایا اور ان کو ان کی گمراہی کے بارے میں آگاہ فرمایا تو انہیں بڑی ندامت ہوئی۔ {سُقِطَ فِي أَيْدِيهِمْ} " پچھتائے" یعنی وہ اپنے فعل پر بہت غم زدہ اور بہت نادم ہوئے {وَرَأَوْا أَنَّهُمْ قَدْ ضَلُّوا} " اور دیکھا کہ وہ گمراہ ہوگئے ہیں" تو انہوں نے نہایت عاجزی کے ساتھ اس گناہ سے برأت کا اظہار کیا۔ {قَالُوا لَئِن لَّمْ يَرْحَمْنَا رَبُّنَا} " اور انہوں نے کہا، اگر ہمارا رب ہم پر رحم نہیں کرے گا۔" یعنی اگر وہ ہماری راہنمائی نہ کرے اور ہمیں اپنی عبادت اور نیک اعمال کی توفیق سے نہ نوازے {وَيَغْفِرْ لَنَا } " اور ہم کو معاف نہیں کرے گا۔" یعنی بچھڑے کی عبادت کا گناہ جو ہم سے صادر ہوا ہے اسے بخش نہ دے۔ {لَنَكُونَنَّ مِنَ الْخَاسِرِينَ } تو ہم یقینًا ان لوگوں میں شامل ہوجائیں گے جنہیں (دنیا و آخرت) میں خسارہ ملا۔

حجم الخط:
شارك الصفحة
فضلًا انتظر تحميل الصوت