أرشيف الكتب الإسلامية
فهرس الكتاب

‹
›
الصفحة 1673 من 6343

پھر جب یعقوب علیہ السلام نے بنیامین کو بھائیوں کے ساتھ بھیج دیا، تو ان کو وصیت کی کہ جب وہ مصر پہنچیں تو {لَا تَدْخُلُوا مِن بَابٍ وَاحِدٍ وَادْخُلُوا مِنْ أَبْوَابٍ مُّتَفَرِّقَةٍ ۖ } " ایک ہی دروازے سے داخل نہ ہوں، بلکہ الگ الگ دروازوں سے داخل ہوں" یعنی وہ ان کے ایک ہی شخص کے بیٹے ہوتے ہوئے ان کی کثرت اور ان کے حسن منظر کی وجہ سے ان کو نظر لگنے سے ڈرتے تھے۔ یہ تو محض سبب ہے جو میں اختیار کر رہا ہوں ورنہ حقیقت یہ ہے { وَمَا أُغْنِي عَنكُم مِّنَ اللَّـهِ مِن شَيْءٍ } " میں تم کو اللہ کی کسی بات سے نہیں بچا سکتا" پس جو چیز تقدیر میں لکھی جاچکی ہے وہ ہو کر رہے گی {إِنِ الْحُكْمُ إِلَّا لِلَّـهِ } " حکم تو اللہ ہی کا ہے۔" یعنی فیصلہ وہی ہے جو اللہ کا فیصلہ ہے اور حکم وہی ہے جو اس کا حکم ہے۔ پس جس چیز کا فیصلہ اللہ تعالیٰ کر دے وہ ضرور واقع ہوتا ہے۔ {عَلَيْهِ تَوَكَّلْتُ } " اسی پر میرا بھروسہ ہے" یعنی جن اسباب کو اختیار کرنے کی میں نے تمہیں وصیت کی ہے، میں اس پر بھروسہ نہیں کرتا، بلکہ میں اللہ تعالیٰ پر بھروسہ کرتا ہوں۔ {وَعَلَيْهِ فَلْيَتَوَكَّلِ الْمُتَوَكِّلُونَ } " اور اسی پر بھروسہ کرنے والوں کو بھروسہ کرنا چاہیے۔" کیونکہ توکل ہی کے ذریعے سے ہر مطلوب و مقصود حاصل ہوتا ہے اور توکل ہی کے ذریعے سے خوف کو دور کیا جاتا ہے۔

حجم الخط:
شارك الصفحة
فضلًا انتظر تحميل الصوت