أرشيف الكتب الإسلامية
فهرس الكتاب

‹
›
الصفحة 4967 من 6343

چونکہ اللہ تعالیٰ نے اپنی بہت سی نعمتوں کا ذکر فرمایا جن کا آنکھوں اور بصیرت کے ذریعے سے مشاہدہ کیا جاسکتا ہے اور خطاب دونوں گروہوں کو یعنی جنات اور انسانوں کے لیے ہے اس لیے اپنی نعمتوں کو متحقق کرتے ہوئے فرمایا: {فَبِاَیِّ اٰلَاءِ رَبِّکُمَا تُکَذِّبٰنِ} ''یعنی )اے جن وانس( پھر تم اللہ کی کون کون سی دینی اور دنیاوی نعمتوں کو جھٹلاؤ گے۔'' جب رسول اللہ صلی اللہ علیہ وسلم نے یہ آیت کریمہ جنات کے سامنے تلاوت فرمائی تو ان کا کیا ہی خوبصورت جواب تھا۔ جب بھی آپ {فَبِاَیِّ اٰلَاءِ رَبِّکُمَا تُکَذِّبٰنِ} پڑھتے تو وہ جواب میں کہتے لَا بِشَيْءٍ مِنْ نِعَمِكَ رَبَّنَا نُكَذِّبُ فَلَكَ الْحَمْدُ''اے ہمارے رب! ہم تیری کسی نعمت کو نہیں جھٹلاتے'' چنانچہ تو ہی ہر قسم کی حمدوثنا کا مستحق ہے۔ [جامع الترمذی، تفسیر القرآن، باب ومن سورۃ الرحمٰن، حدیث:3291] اسی طرح بندہ مومن کو چاہیے کہ جب اس کے سامنے اللہ کی نعمتوں اور اس کے احسانات کی آیات تلاوت کی جائیں تو ان کا اقرار کرے، ان نعمتوں پر اللہ کاشکر ادا کرے اور اس کی حمدوثنا بیان کرے۔

حجم الخط:
شارك الصفحة
فضلًا انتظر تحميل الصوت