أرشيف الكتب الإسلامية
فهرس الكتاب

‹
›
الصفحة 351 من 6343

چنانچہ اللہ ان کے درمیان انصاف کے ساتھ فیصلہ کرتا ہے اور وہ یہ ہے کہ { فَأَمَّا الَّذِينَ كَفَرُوا } " پھر جنہوں نے انکار کیا" اللہ کے ساتھ کفر کیا، اس کی آیات کا اور رسولوں کا انکار کیا {فَأُعَذِّبُهُمْ عَذَابًا شَدِيدًا فِي الدُّنْيَا وَالْآخِرَةِ } " پس میں انہیں دنیا اور آخرت میں سخت تر عذاب دوں گا" دنیا کے عذاب سے مراد ظاہر نظر آنے والی مصیبتیں، سزائیں، قتل، ذلت وغیرہ ہیں اور آخرت کا عذاب سب سے بڑی آفت اور مصیبت ہے۔ یعنی جہنم کا عذاب، اللہ کی ناراضی، اور نیکی کے ثواب سے محرومی۔ {وَمَا لَهُم مِّن نَّاصِرِينَ } " اور ان کا کوئی مددگار نہ ہوگا" جو انہیں اللہ کے عذاب سے بچا سکے۔ وہ بھی جنہیں وہ اللہ کے ہاں ان کی شفاعت کرنے والے سمجھتے ہیں، وہ بھی نہیں، جنہیں وہ اللہ کو چھوڑ کر دوست بناتے ہیں، نہ ان کے رفیق نہ رشتے دار، نہ وہ خود اپنی کچھ مدد کرسکیں گے۔

حجم الخط:
شارك الصفحة
فضلًا انتظر تحميل الصوت