أرشيف الكتب الإسلامية
فهرس الكتاب

‹
›
الصفحة 2565 من 6343

ابراہیم علیہ السلام نے لوگوں کے سامنے بھرے مجمع میں جواب دیا { بَلْ فَعَلَهُ كَبِيرُهُمْ هَـٰذَا } یعنی اس بڑے بت نے ناراض ہو کر ان کو توڑا ہے کیونکہ اس کے ساتھ ان کی بھی عبادت کی جاتی تھی اور وہ چاہتا تھا کہ عبادت صرف تمہارے اس بڑے بت کی ہو۔ اس سے ابراہیم علیہ السلام کا مقصد الزامی جواب اور حجت قائم کرنا تھا، اس لئے فرمایا: { فَاسْأَلُوهُمْ إِن كَانُوا يَنطِقُونَ } " ان سے پوچھو، اگر یہ بول سکتے ہیں۔" یعنی ان ٹوٹے ہوئے بتوں سے پوچھو کہ ان کو کیوں توڑا گیا؟ اور جس بت کو نہیں توڑا گیا، اس سے پوچھو کہ اس نے ان بتوں کو کیوں توڑا؟ اگر وہ بول سکتے ہیں تو تمہیں جواب دیں۔۔۔میں، تم اور ہر شخص اچھی طرح جانتا ہے کہ یہ بت بول سکتے ہیں نہ کلام کرسکتے ہیں، کوئی نفع پہنچاسکتے ہیں نہ نقصان۔ بلکہ اگر کوئی ان کو نقصان پہنچانا چاہے تو یہ خود اپنی مدد کرنے پر بھی قادر نہیں۔

حجم الخط:
شارك الصفحة
فضلًا انتظر تحميل الصوت