أرشيف الكتب الإسلامية
فهرس الكتاب

‹
›
الصفحة 1187 من 6343

چونکہ اللہ تعالیٰ نے آگاہ فرمایا ہے کہ وہ اہل ایمان کے ساتھ ہے، اس لئے اللہ تعالیٰ نے ان کو حکم دیا کہ وہ ایمان کے تقاضوں کو پورا کریں جن سے اللہ تعالیٰ کی معیت حاصل ہوتی ہے۔ چنانچہ فرمایا: { يَا أَيُّهَا الَّذِينَ آمَنُوا أَطِيعُوا اللَّـهَ وَرَسُولَهُ} " اے ایمان والو ! اطاعت کرو اللہ کی اور اس کے رسول کی" یعنی ان کے اوامرکی پیروی اور ان کے نواہی سے اجتناب کر کے {وَلَا تَوَلَّوْا عَنْهُ} " اور اس سے روگردانی نہ کرو۔" یعنی اس معاملے سے منہ نہ موڑو جو اللہ تعالیٰ اور اس کے رسول صلی اللہ علیہ وسلم کی اطاعت ہے۔ { وَأَنتُمْ تَسْمَعُونَ} " اور تم سنتے ہو۔" حالانکہ تم پر اللہ تعالیٰ کی کتاب، اس کے اوامر، اس کی وصیتوں اور اس کی نصیحتوں کی جو تلاوت کی جاتی ہے، تم اسے سنتے ہو۔ اس حال میں تمہارا اللہ تعالیٰ کی اطاعت سے منہ موڑنا بدترین حال ہے۔

حجم الخط:
شارك الصفحة
فضلًا انتظر تحميل الصوت