أرشيف الكتب الإسلامية
فهرس الكتاب

‹
›
الصفحة 2016 من 6343

اللہ تبارک و تعالیٰ اس قرآن کی تکذیب کرنے والوں کا ذکر کرتے ہوئے فرماتا ہے کہ یہ لوگ قرآن کریم میں ایسے امور کی تلاش میں رہتے ہیں جو ان کے لئے حجت ہوں حالانکہ اللہ تبارک و تعالیٰ حاکم اور حکمت والا ہے، جو احکام کو مشروع کرتا ہے اور اپنی حکمت اور رحمت کی بنا پر کسی حکم کو بدل کر اس کی جگہ کسی دوسرے حکم کو لے آتا ہے۔ پس جب وہ اس قسم کی تبدیلی دیکھتے ہیں تو رسول اللہ صلی اللہ علیہ وسلم اور قرآن کریم میں عیب چینی کرتے ہیں {قَالُوا إِنَّمَا أَنتَ مُفْتَرٍ} " تو کہتے ہیں کہ تو افترا پرداز ہے" اللہ تعالیٰ فرماتا ہے: {بَلْ أَكْثَرُهُمْ لَا يَعْلَمُونَ } " بلکہ ان میں سے اکثر نادان ہیں۔" پس وہ جاہل ہیں جنہیں اپنے رب کے بارے میں کچھ علم ہے نہ شریعت کے بارے میں اور یہ بات اچھی طرح معلوم ہے کہ جاہل کی جرح و قدح کا کوئی اعتبار نہیں کیونکہ کسی چیز کے بارے میں جرح و قدح اس کے بارے میں علم کی ایک شاخ ہے جو مدح اور قدح کی موجب ہے۔

حجم الخط:
شارك الصفحة
فضلًا انتظر تحميل الصوت