أرشيف الكتب الإسلامية
فهرس الكتاب

‹
›
الصفحة 1785 من 6343

اللہ تعالیٰ نے ظالموں کو دیئے جانے والے عذاب کا ذکر کرنے کے بعد اطاعت کرنے والوں کے لئے ثواب کا ذکر فرمایا ہے۔ چنانچہ فرمایا: {وَأُدْخِلَ الَّذِينَ آمَنُوا وَعَمِلُوا الصَّالِحَاتِ} " اور داخل کئے گئے وہ لوگ جو ایمان لائے اور عمل کئے نیک" یعنی وہ لوگ جنہوں نے قول وفعل اور اعتقاد کے ساتھ دین کو قائم کیا۔ {جَنَّاتٍ تَجْرِي مِن تَحْتِهَا الْأَنْهَارُ} " ایسے باغات میں، جن کے نیچے نہریں بہتی ہیں" ان جنتوں میں ایسی لذات وشہوات ہوں گی جو کسی آنکھ نے دیکھی نہ کسی کان نے سنی ہیں اور نہ کسی بشر کے دل میں ان کے تصور کا گزر ہوا ہے۔ {خَالِدِينَ فِيهَا بِإِذْنِ رَبِّهِمْ} " وہ ان میں اپنے رب کے حکم سے ہمیشہ رہیں گے" یعنی وہ اپنی قوت واختیار سے جنت میں داخل نہیں ہوں گے بلکہ وہ اللہ تعالیٰ کی قوت واختیار سے جنت میں داخل ہوں گے { تَحِيَّتُهُمْ فِيهَا سَلَامٌ} " ان کی دعائے ملاقات ہے ان میں سلام" وہ سلام اور اچھے کلمات کے ساتھ ایک دوسرے کا خیر مقدم کریں گے۔

حجم الخط:
شارك الصفحة
فضلًا انتظر تحميل الصوت