أرشيف الكتب الإسلامية
فهرس الكتاب

‹
›
الصفحة 214 من 6343

پھر اللہ تعالیٰ نے ذکر فرمایا کہ گناہوں اور نافرمانیوں کے ذریعے سے زمین میں فساد پھیلانے والے اس شخص کو جب اللہ تعالیٰ سے ڈرنے کی تلقین کی جاتی ہے تو تکبر کرنے لگتا ہے۔ { اَخَذَتْہُ الْعِزَّۃُ بِالْاِثْمِ } " کھینچ لاتا ہے غرور اس کو گناہ پر" چنانچہ اس کے اندر گناہ اور معاصی کے اعمال اور نصیحت کرنے والوں کے خلاف متکبرانہ رویہ اکٹھے ہوجاتے ہیں۔ { فَحَسْبُہٗ جَہَنَّمُ ۭ} " پس اس کے لئے جہنم کافی ہے" جو نافرمان متکبرین کا ٹھکانا ہے۔ { وَلَبِئْسَ الْمِہَادُ} " اور بہت برا ٹھکانا ہے۔" یعنی بہت ہی برا ٹھکانا اور مسکن ہے جہاں وہ کبھی نہ ختم ہونے والی مایوسی اور دائمی عذاب میں مبتلا رہیں گے، ان کے عذاب میں کبھی تخفیف نہیں کی جائے گی۔ وہ ثواب کی کوئی امید نہیں رکھیں گے یہ ان کے اعمال بد اور ان کے جرم کی سزا ہے۔ ہم ان کے احوال سے اللہ تعالیٰ کی پناہ کے طلبگار ہیں۔

حجم الخط:
شارك الصفحة
فضلًا انتظر تحميل الصوت