أرشيف الكتب الإسلامية
فهرس الكتاب

‹
›
الصفحة 5287 من 6343

پھر اللہ تبارک وتعالیٰ نے شوہر کی حیثیت کے مطابق نفقہ مقرر فرمایا ہے ،چنانچہ فرمایا: {لِیُنْفِقْ ذُوْ سَعَۃٍ مِّنْ سَعَتِہٖ } "وسعت والے کو اپنی وسعت کے مطابق خرچ کرنا چاہیے۔" یعنی دولت مند اپنی دولت کے مطابق خرچ کرے وہ اس طرح خرچ نہ کرے جس طرح فقرا خرچ کرتے ہیں ۔ { وَمَنْ قُدِرَ عَلَیْہِ رِزْقُہٗ} "اور جسے کا اس کارزق نپا تلا ملے۔ "یعنی جو تنگ دستی کا شکار ہو { فَلْیُنْفِقْ مِمَّآ اٰتٰیہُ اللّٰہُ } "تو وہ اسی (رزق ) میں سے خرچ کرے جو اللہ تعالیٰ نے اس کو عطا کیا ہے۔" { لَا یُکَلِّفُ اللّٰہُ نَفْسًا اِلَّا مَآ اٰتٰیہَا } "اللہ کسی پر اتنی ہی ذمے داری ڈالتا ہے جتنا اس نے اسے دیا۔" اور یہ چیز اللہ تعالیٰ کی حکمت اور رحمت سے مناسبت رکھتی ہے کہ اس نے ہر ایک کو اس کے حسب حال مکلف کیا ہے ،اللہ تعالیٰ اس کو صرف اتنا ہی مکلف کرتا ہے جتنا اس کو رزق عطا کیا ہے ،اللہ تعالیٰ کسی جان کو نفقے وغیرہ کے ضمن میں اس کی طاقت سے بڑھ کر تکلیف نہیں دیتا۔ {سَیَجْعَلُ اللّٰہُ بَعْدَ عُسْرٍ یُّسْرًا} یہ تنگ دست لوگوں کے لیے بشارت ہے کہ عنقریب اللہ تعالیٰ ان سے سختی کو دور کردے گا اور مشقت کو اٹھالے گا کیونکہ { فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرً} (الم نشرح:94؍6،5) "بلا شبہ ہر تنگی کے ساتھ آسانی ہے ،بلاشبہ ہر تنگی کے ساتھ آسانی ہے۔"

حجم الخط:
شارك الصفحة
فضلًا انتظر تحميل الصوت