أرشيف الكتب الإسلامية
فهرس الكتاب

‹
›
الصفحة 3360 من 6343

{وَأَصْبَحَ الَّذِينَ تَمَنَّوْا مَكَانَهُ بِالْأَمْسِ} " اور وہ لوگ جو کل اس کے مقام و مرتبے کی تمنا کرتے تھے۔" یعنی وہ لوگ جو دنیا کی زندگی کے خواہش مند تھے اور کہا کرتے تھے: { يَا لَيْتَ لَنَا مِثْلَ مَا أُوتِيَ قَارُونُ } " کاش ہمیں بھی وہ کچھ مل جاتا جو قارون کو عطا کیا گیا ہے۔'' {يَقُولُونَ } " وہ کہنے لگے" دکھ محسوس کرتے، عبرت پکڑتے اور ڈرتے ہوئے کہ کہیں وہ بھی عذاب کی گرفت میں نہ آجائیں: {وَيْكَأَنَّ اللّٰـهَ يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ} " ہماری حالت پر افسوس ! اللہ اپنے بندوں سے جس کا چاہے رزق وسیع کردیتا ہے اور جس کا چاہے تنگ کردیتا ہے" تب ہمیں معلوم ہوا کہ اللہ تعالیٰ کی طرف سے قارون کے رزق میں فراخی، اس بات کی دلیل نہیں کہ اس میں اس میں کوئی بھلائی ہے، اور ہم یہ کہنے میں حق بجانب نہ تھے { إِنَّهُ لَذُو حَظٍّ عَظِيمٍ } " قارون تو بڑے ہی نصیبے والا ہے۔ "

{لَوْلَا أَن مَّنَّ اللّٰـهُ عَلَيْنَا } " اگر ہم پر اللہ کی عنایت نہ ہوتی" تو وہ ہماری بات پر ہماری گرفت کرلیتا اور اگر اس کا فضل و کرم نہ ہوتا {لَخَسَفَ بِنَا } " تو وہ ہمیں بھی زمین میں دھنسا دیتا"۔ قارون کی ہلاکت اس کے لئے سزا اور دوسروں کے لئے عبرت اور نصیحت تھی۔ حتیٰ کہ وہ لوگ بھی، جو قارون پر رشک کیا کرتے تھے نادم ہوئے اور قارون کے بارے میں ان کا نقطہ نظر بدل گیا۔ {وَيْكَأَنَّهُ لَا يُفْلِحُ الْكَافِرُونَ} " اور حقیقت یہی ہے کہ کافر فلاح نہیں پائیں گے" یعنی دنیا و آخرت میں۔

حجم الخط:
شارك الصفحة
فضلًا انتظر تحميل الصوت