أرشيف الكتب الإسلامية
فهرس الكتاب

‹
›
الصفحة 4136 من 6343

اللہ تعالیٰ آگاہ فرماتا ہے کہ اس نے اپنے رسول صلی اللہ علیہ وآلہ وسلم پر کتاب نازل فرمائی جو اپنی خبر اور اپنے اوامرونواہی میں حق پر مشتمل ہے، جو ہدایت کی اصل بنیاد اور ہر اس شخص کے لئے پیغام ہے جو اللہ تعالیٰ کے پاس اور اس کے اکرام و تکریم کے گھر پہنچنا چاہتا ہے، نیز اس کتاب کے ذریعے سے تمام جہانوں پر اللہ تعالیٰ کی حجت قائم ہوگئی ہے۔

{فَمَنِ اهْتَدَىٰ} پس جس نے اس کی روشنی سے راہنمائی حاصل کی اور اس کے احکامات کی پیروی کی { فَلِنَفْسِهِ} تو اس کا فائدہ اسی کی طرف لوٹے گا {وَمَن ضَلَّ } اور جو ہدایت کے واضح ہوجانے کے بعد بھی گمراہ ہوا {فَإِنَّمَا يَضِلُّ عَلَيْهَا} " تو وہ اپنا ہی نقصان کرتا ہے" اور وہ اللہ تعالیٰ کو کوئی نقصان نہیں پہنچا سکے گا {وَمَا أَنتَ عَلَيْهِم بِوَكِيلٍ } " اور آپ ان پر نگران نہیں ہیں" کہ آپ ان کے اعمال پر نگاہ رکھیں، ان پر ان کا محاسبہ کریں اور جس کام پر چاہیں ان کو مجبور کریں۔ آپ تو صرف پہنچا دینے والے ہیں اور آپ وہ چیز ان تک پہنچا دیتے ہیں جسے پہنچا دینے کا آپ کو حکم دیا جاتا ہے۔

حجم الخط:
شارك الصفحة
فضلًا انتظر تحميل الصوت